放假又要諗去邊到玩？如果要搵一個地方遠離市區煩囂，又想享受吃喝玩樂，咁大嶼山絕對係一個好選擇！大嶼山作為全港最大嘅島嶼，你對呢個地方又有幾多認識？想唔想知大嶼山有咩玩？今日就等 小編為你整合大嶼山好去處，一文睇晒大嶼山必去景點同大嶼山交通資訊。
NO.1 昂坪
講起大嶼山玩樂，第一時間一定會諗起昂坪！其實成個昂坪都有好多景點，包括昂坪360纜車同埋昂坪市集，或者寶蓮禪寺、天壇大佛等，無論係情侶定係一家大細去一日遊都非常適合！
NO.2 昂坪360 + 昂坪市集
纜車連接東涌市區同昂坪，係前往昂坪最快同最有特色嘅交通工具。沿途可以欣賞大嶼山山脈優美嘅景致，同埋無邊際嘅南中國海，唔怪得被譽為世界十大最佳纜車體驗喇！
交通資訊：東涌地鐵站B出口
天壇大佛 + 寶蓮禪寺
離開昂坪市集，可以見到世界聞名嘅天壇大佛！
作為全球最高嘅戶外青銅坐佛，天壇大佛每年吸引唔少中外遊客之餘，更加成為香港嘅標誌景點。一場嚟到大嶼山，又點可以唔去參觀吓！
NO.2 愉景灣
愉景灣係香港最具異國特色嘅地方之一，唔少食物同建築都偏向西式風格。最著名嘅三角形海濱白教堂更加係打卡勝地，仲有全港最大嘅臨海露天美食區D’Deck，俾你同親朋好友一齊嘆海景嘆美食，真係好chill！
愉景北海邊禮堂
三角形教堂嘅落地大玻璃，映照出背後嘅藍天白雲，實在太啱情侶影相打卡啦。
愉景灣酒店Staycation – (包早餐+晚餐)
香港愉景灣酒店，位於風光如畫的大嶼山，遠離繁囂。世外桃源，近在咫尺，酒店配套完善，適合親子旅行或浪漫假期，設有25米的季節性室外海景游泳池、健身中心以及提供舒適按摩服務的Spa Botanica、讓香港市民及遊客前來體驗亞洲動感之都的另一風貌。附近旅遊景點包括香港迪士尼樂園、昂坪360纜車、天壇大佛，而香港國際機場為25分鐘車程。
NO.3 大澳漁村
大澳係香港現存最古老嘅漁村之一，以棚屋為主嘅建築特色令唔少都市人都覺得眼前一亮，亦有人專程入大澳買特色蝦醬。你可以喺大澳掃街搵美食，或者漫步欣賞沿路風景，體驗第二度搵唔到嘅漁村風光。
棚屋
沿住水道而建嘅棚屋已經有百多年嘅歷史，喺橋上行一轉欣賞棚屋海景，或者參加遊船河活動，你就會明白點解大澳被稱為東方威尼斯啦。
彩色壁畫打卡牆
近年嘅藝術活化計劃進一步增添咗大澳嘅藝術文化氣息，壁畫記載住大澳嘅水鄉風情，散落喺島上唔同嘅地方，值得你漫遊大澳時一一發掘。
交通資訊：
可乘搭渡輪>屯門碼頭或東涌到大澳 或 11號線巴士：東涌站巴士總站到大澳
NO.4 梅窩
梅窩可以話係非常就近嘅大嶼山一日遊嘅地方，交通亦較為方便，吸引唔少人假日入去兜個圈。入到梅窩可以踩單車、嘆美食、望海景，更可以觀賞歷史遺址，體驗不一樣的放鬆假日。
袁氏大屋
袁氏大屋係由花崗石築成嘅堡壘型建築，喺二次大戰時期發揮監視同抵抗外敵嘅功用，被評為二級歷史建築，好值得去感受吓呢度嘅歷史意義。
銀礦灣泳灘
梅窩一日遊又點可以錯過最美日落？由梅窩碼頭步行約15分鐘就可以到達銀礦灣沙灘，喺度望住夕陽在海面緩緩降落，享受一下拍拖的時光。
梅窩銀鑛灣渡假酒店Staycation
銀鑛灣渡假酒店提供您體貼入微的住房享受，溫暖舒適的設計風格，為旅途勞頓的您，提供一個身心放鬆，舒緩疲累的最佳住宿環境。
能帶給您有如天堂般的舒適體驗。舒適寬敞的空間設計，如會議設施，餐廳, 客房服務等已全數更新，表現香港當代的優雅唯美風格。非大廈型建築的外觀不如一般觀光飯店醒目，但可以感受到飯店主打的超現實主義設計基調。
NO.5 東薈城
夏日熱辣辣，戶外活動玩到攰，咁就可以去東薈城兜返個圈涼冷氣！東薈城係香港最大型嘅outlet，除咗shopping之外，仲有超過40間餐廳等緊你。
你仲可以去入面9000呎大嘅food court食代館慢慢揀，包你一定搵到好嘢食！以下推介3間東薈城美食餐廳，鍾意各國美食嘅你絕對不可以錯過！
交通資訊：東涌地鐵站C出口
NO.6 大嶼山海邊餐廳
這間位於大嶼山下長沙泳灘的英式餐廳，主打酒吧菜式，提供扒類、海鮮，多款特色美食包括生蠔及龍蝦等，還有烤八爪魚、和牛芝士漢堡配炸薯條及烤春雞等，還有海鮮等供應，還有透心涼的特調雞尾酒、Mojito、精釀啤酒及果酒，最適合配搭佐酒小食。餐廳景觀開揚，對正沙灘，能飽覽整個海景，客人可邊吹著海風邊享受美食，到處都是影相打卡的靚景，黃昏時更可欣賞日落，真是相當浪漫，在不能到外國旅行的日子，可在此「扮下」去了外國渡假！
餐廳景觀開揚，對正沙灘，能飽覽整個海景，客人可邊吹著海風邊享受美食，和牛芝士漢堡配薯條，漢堡入面有和牛、芝士、蛋、煙肉、蕃茄及生菜等，充滿肉汁，非常滋味！
海鮮方面有鮮美的生蠔， 法國Finede Claire和澳洲CoffinBay供選擇。
Fritto Misto，名字的意大利文原意是指油炸小食拼盤，把切成小塊的魷魚、白飯魚、大蝦及軟殼蟹配以薄麵粉漿包裹油炸，是外國餐廳家庭式經典頭盤小食，大大盤最適合與朋友分享！
燒春雞，烤雞烤得香氣四溢，雞肉嫩滑，雞皮充滿黃油雞香！
餐廳有多款雞尾酒任君選擇。若假日前往，最好提早致電餐廳留定靚靚海景位！
Bathers
地址：大嶼山長沙下村32號地舖
電話：25044788
網址：https://bathers.com.hk
NO.7 港版夏威夷 – 神秘沙灘!
大嶼山內有不少沙灘，而東涌至昂坪之間就有一個神秘沙灘-下長沙沙灘，全長有3公里，係全港最長嘅海灘。
沙灘景色超有異國風，沙灘海岸線明顯，放眼海天一色，蔚藍天空配湛藍大海，加上黃昏時嘅鑽石粉紅夕陽，整個場面恍惚一秒穿越夏威夷或泰國布吉，週末拍拖兩個人遊覽十分浪漫！
旅行會使我們感到靜默，但也能因此讓我們成為會說故事的人
【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿，請寄 aeronautmediacompany@gmail.com，另請附上照片一張及不多於80字撰稿人簡介，撰稿人可用真名或筆名。文章一經採用，或會將由Travel旅遊日記編輯部作潤飾，及會開設作者個人專欄。
