【旅遊情報】 旅遊趣事，笑中有淚，內有洋蔥～

相信大家去過旅行都試過出現一啲搞笑事

雖然當刻可能會好緊張、好無奈，但係回想返的確令人好難忘！

唔好以為係冇去過旅行嘅大鄉里先會出現，有時分分鐘係去得旅行多，或者出Trip 頻率高嘅人出事，因為佢哋容易掉以輕心，所以亦會出現突發瘀事。

一齊睇下你有冇發生過以下難忘事。

1.凌晨機睇錯時間

其中好容易中招就係，凌晨機睇錯日子去機場，去到機場先知係昨天的航班⋯⋯

不過呢種蠢事只要做過一次，以後都會提醒自己，不再看錯， 個教訓貴啲咁解囉。

有人會笑呢啲人「24小時制都會錯，要重讀小學。」，亦有人話「自己生日又唔見會搞錯！一到00：00就等人message 生日快樂畀自己啦！」

2. 菲律賓調亂Passport

另有人分享試過廿幾年前去菲律賓,過海關櫃位先發現我攞錯朋友個護照,但一樣順利過關,跟著朋友又揸住我本照過,又係一樣過到關，但事主同朋友個樣完全唔同,一肥一瘦。

3. 泰國入錯廁所

有人同女朋友去泰國，佢唔小心入錯男廁，
但當地人唔覺得有咩問題，佢仲要同另一個女仔(我諗都係變性人)行返出嚟😂

4. 奈良比動物襲擊

有網友之前去奈良餵鹿🦌 ，本身諗住企近啲影啲靚相 ，但班「餓狼」一見到啲草餅就6、7隻衝！過！嚟！眼神兇狠，為爭食 想撞死佢咁😰 結果佢驚到一直狂奔 + “dum”草餅拋開距離😂😂😂😂

5. 日本🇯🇵雪地死火

有人分享喺冰島自駕，好大風雪，剷左落邊上唔返去。有兩駕車停低幫我地block住條路，唔好比人撞到，同埋幫我地推返架車上去。人間有愛呀！

亦有人試過係長野自駕去個雪場，點知上斜時有啲留後，當時一家三口有點進退兩難，仲有D死火，之後有架7人車經過，停左落黎，有6個12-15歲左右嘅日本年青人嘗試幫我地推車，當時周圍冰天雪地，好感激好感動，雖然最後都係上吾到去，但佢地又教左當時人用第二條路入雪場！

6.唔記得除隱形眼鏡

有人試過用即棄con戴左2個月冇除過，乜事都冇。

7. 馬爾代夫入錯屋

如果係馬爾代夫住水上屋，一定好開心好興奮啦～
有冇試過住一排水上屋嘅渡假村，屋貼屋距離好近好多間嘅？
衝落水玩咗一輪，同伴上咗樓梯沖緊身，喺後面望到⋯⋯大鑊！上錯隔離屋！！！
岩岩閃返自己間屋就聽到隔離屋開露台門睇吓咩事，無兜口兜面撞到正但都真係𤓓到爆