去韓國自由行，手機冇裝定幾個實用App點得？無論係搵路、搭車、叫外賣定係即時翻譯，用好啱嘅App成個旅程順暢好多！以下整理咗超過10款韓國旅行必備App，涵蓋地圖、交通、翻譯、美食、天氣、支付等範疇，出發前記得下載定！
韓國地圖App（必備！）
Naver 地圖
韓國旅行最推薦嘅地圖App，準確度遠高過Google Map。齊備地鐵路線、巴士資訊、的士預計車費，仲可以輸入巴士編號查詢路線。支援中文介面，喺設定入面將語言轉做中文就得。
韓巢地圖
首個推出繁體中文版嘅韓國地圖，圖示詳盡好用，最大優點係支援離線查詢，出發前可以預先規劃行程。唯一缺點係冇巴士路線指引，主要以地鐵、的士、步行為主。
Kakao Map
使用介面同Google Map最相似，有3D地圖功能，方便搵路。支援英文及韓文介面，冇中文。同樣有路線計算同巴士資訊。
韓國交通App
Subway Korea / 또타지하철
韓國人最常用嘅公共交通工具App。除咗首爾地鐵，仲有釜山、大邱、大田、光州等地鐵資訊。提供即時時刻表、首尾班車時間、路線同預計車資，支援繁體中文，必備！
Kakao Taxi
韓國最大Call車App。收費以跳錶為主，App內會預估車資。落車可直接向司機俾錢（現金、交通卡或信用卡都得）。使用前需要註冊Kakao Talk帳號，建議出發前喺香港搞掂。
Korail Talk
韓國鐵路公司官方App，專為KTX、高速列車及城際列車而設。可即時查詢時刻表、票價、座位狀況，直接線上預訂及取票，支援QR Code電子票，跨城市旅行必備。
韓國翻譯App
Papago
Naver旗下翻譯App，操作簡單，支援打字、語音、圖片即時翻譯。由於係韓國開發，翻譯食物、菜色等特殊用字比Google Translate更準確，尤其適合翻譯餐廳菜單。
Google Translate
功能強大，支援文字、語音、鏡頭圖像翻譯，對話模式可即時雙向翻譯。勝在多功能同易上手，同Papago互補使用最理想。
韓國美食App
요기요 (Yogiyo)
韓國最普遍嘅外賣App。版面全韓文，唔支援中英文，使用時需要另一部電話用翻譯App對照。結帳時可選現金付款，對旅客較方便。
배달의민족 (Baemin)
韓國最大、最受歡迎嘅外送平台，整合全國餐廳、美食、飲料同便利店外送服務。介面有趣幽默，深受年輕人喜愛。同樣以韓文為主，需要少少韓文基礎或翻譯輔助。
Catch Table
韓國最熱門嘅餐廳線上預約App，主打高級餐廳同即時訂位。米芝蓮星級餐廳、人氣咖啡店都可以透過佢預約，支援部分英文操作，想食人氣餐廳唔使排隊就靠呢個App！
韓國天氣App
WonGi Weather
極受歡迎嘅韓國天氣App，結合韓國氣象廳資料，提供由城市到「洞」（街區）嘅細緻天氣預報。可即時追蹤微細懸浮粒子（PM2.5）、空氣質素同降雨機率。介面主要為韓文。
KMA Weather
韓國氣象廳官方App，資料權威可靠，提供全國天氣預報、災害及惡劣天氣警報。介面簡潔，功能集中，啱晒需要官方資訊或戶外活動規劃嘅旅客。
韓國支付App
WOWPASS App
專為外國旅客設計嘅金融支付服務，結合外幣兌換卡同電子錢包。可喺機場或市區機台兌換韓元，即時充值到實體卡或App內電子錢包，用嚟搭地鐵、便利店、餐廳消費。支援英文同中文介面，非常方便。
Tmoney App
韓國最普及嘅交通及小額支付系統。可透過App以NFC感應支付同充值，查詢餘額、交易紀錄及附近可用地點。覆蓋全國交通網絡，係遊韓必備工具。
其他實用App
T locker
集合首爾地鐵站內儲物櫃資訊嘅App。Shopping買到一袋二袋時，可以搵附近嘅行李保管處。只支援英文搜尋，輸入地鐵站名即可。
iPhone計算機
iPhone最新版本的內置計算機有匯率轉換功能，只要在左下角選擇「轉換」，即可選擇對應的貨幣價錢，然後以即時匯率換算日元和港幣。
小紅書 —— 全能旅行攻略
在計劃韓國旅程時，除了參考傳統的旅遊網站及官方資料，愈來愈多香港旅客亦會利用小紅書來搜尋靈感。無論是東京的特色咖啡店、京都的隱世景點，抑或大阪的購物指南，都能在小紅書上找到用戶分享的最新心得。與一般旅遊書籍相比，小紅書的內容更貼近實際旅遊體驗，圖文並茂且更新迅速，已成為規劃韓國行程的重要輔助工具。
出發前下載定呢啲App，韓國自由行就暢通無阻啦！🇰🇷✨
★不想錯過任何旅遊優惠資訊？加入【我想去旅行優惠群組】★
想無痛計畫旅行 輕鬆訂酒店連機票攞盡優惠？
聯絡我們！
聯絡我們
推薦文章：
立即閱讀
