主頁 > 最新旅遊情報 > 專門情報 > 其他情報 > 【香港情報】 Top 5 香港陶藝工作室推介

【香港情報】 Top 5 香港陶藝工作室推介

香港TOP5 陶藝工作室推薦

如果留港過嚟緊嘅聖誕,有無諗過送咩禮物比你嘅至愛?有冇諗過整一件獨一無二的聖誕禮物?

近來不少陶藝工作室都會開設陶瓷班或工作坊, 俾人體驗一下手作陶瓷,地點偏佈灣仔、新蒲崗、荔枝角、葵涌等,今個周末不妨就玩陶藝,感受泥土嘅溫度啦!

療癒下自己嘅心,試吓自己嘅手眼協調,順便可以做一件獨一無二嘅家居用品俾你自己/比至親。

大眾其實已經厭倦千篇一律嘅即食文化,唔再想用大量制作、 一模一樣嘅野。

用自己整嘅陶藝碗食飯、自己整嘅杯去飲嘢,喺品嘗食物嘅同時,你仲可以回味自己整陶藝時嘅回憶:中間享受過程,無懼失敗。提醒自己生活中亦可以不怕失敗,最多推倒重來。

而且作品可以畫上你自己鍾意嘅圖案,臨尾簽返個名,又或者寫上愛的宣言,

送一份獨一無二嘅禮物俾你嘅愛人。

陶瓷班超級適合朋友或情侶一齊體驗,2小時體驗班讓大家可以學到基本拉坯/手捏技巧,係一個非常好嘅消磨時間活動!睇著由陶泥變成一件實用又靚嘅陶藝作品,會讓人開懷。

另外提提大家,上陶瓷班前必知3件事:

1. 製陶時需剪掉過長指甲,以免影響陶泥拉坯效果。如留有水晶甲,須於上課前拆除。

2. 坊間的一日陶器製作體驗班,只會進行拉坯/手捏,不會即場風乾、素燒、上色及釉燒,所以要收到作品,一般需等一個月,大家要耐心等候。

3. 陶藝班課程一般分拉坯及手捏課,前者是《人鬼情未了》中經典畫面,以機器輔助的形式製作陶器;後者用雙手捏出不同圖形,創作較彈性。但係記得二人同行都係各自玩,唔好諗住有人鬼情未了嘅畫面出現。

以下為大家推介5間陶藝工作室,

1. 童窯

IMG_9960.jpg

童窯設有不同種類的陶藝課程,可供不同年齡、背景的人參加。

c4ab68_cb951fccb44b474392caca0b5390c3d7~mv2.jpeg

 

更特别的是童窯旗下的Clay Lab是香港首間以24小時自助形式租用的陶瓷工作室,以自助租用的陶瓷工作室專為熱愛陶瓷、喜歡分享陶藝知識的陶藝家而設,以低成本租金為提供自用及開班教學的場地,各位陶藝熱愛者對陶藝的熱誠將不受空間及時間限制。

 

24/7?  而家連陶藝都有廿四小時任做♥️ 有一個地方俾你將屋企嘅煩惱、公司嘅壓力,全部都掉開,淨係專注做一樣嘢,好正㗎!

地址:西營盤朝光街3號地舖

Instagram:tungyaoworkshop

2. 石下陶瓷

石下陶瓷係香港其中一間出名嘅陶瓷教室,佢地導師嘅陶瓷作品係K11, 南豐紗廠The Mills及灣仔藝術中心等地亦有得賣。工作室位於新蒲崗,地鐵站步行約5-10分鐘即可到達。

 

55.jpeg

想體驗下陶藝嘅朋友可以參加單堂陶瓷體驗班,製作成品之後,會由陶瓷導師專業上色。

52.jpeg

53.jpeg

仲可以製作可愛嘅小擺設, 送俾有寵物嘅朋友仔一定開心死~

地址:新蒲崗百勝工業大廈D座6樓D2​

IG:under.the.stone

3.上善若陶

上善若陶不定期舉辦拉坯陶瓷工作坊,尤其推介雲石紋嘅陶藝工作坊, 就算冇陶藝經驗嘅你,只要跟住老師Allen嘅指導,一樣可以整得好靚。 雲石紋係透過不同泥嘅組合整出嚟, 一路拉杯嘅過程會出現唔同嘅紋理,完全不能複製, 真真正正嘅獨一無二。


地址:灣仔灣仔道 113-117 號得利商業大廈 17 樓 B 室
IG:waterceramics

5. 曉至

曉至最受歡迎嘅作品一定係充滿起伏紋理的月球碗,帶著粗糙觸感,同時亦有詩意,極具個性。 唔好以為係藝術家先整到啊,只要你有心,你都可以跟老師學到。

工作室位於荔枝角,定期舉辦陶瓷工作坊,包括製作品牌小物如手捏月球陶瓷、手揑雲石紋陶瓷、陶瓷櫻花/鹿角燭台等,亦有自由製作的拉坯、手捏陶瓷班,任君選擇。雖然幾乎每個星期都有陶瓷課程,但總是極速爆滿,想上堂的話要盡早預約了。

如果自己無時間,可以於店內或者誠品購買。

地址:荔枝角永康街 79 號創匯國際中心 10B 室
IG:hiuchi_art

 

5. Gi家陶藝

九龍區嘅代表仲有另一間位於葵涌嘅工作室, 位置葵青劇院對面,葵芳站行五分鐘路程。呢間特別之處係有招財貓工作坊,可以整定一個新年達摩或者招財貓,作為2023年嘅一個新開始~

IG:gi.ceramics


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 aeronautmediacompany@gmail.com,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記