【其他情報】 巴士上十大最討厭行為！

巴士上十大最討厭行為

相信大家喺搭巴士嘅時候都遇上有好多討厭嘅乘客，而且遇上嘅機會率都相當高，平均每兩次搭車就總會遇到一個， 真係總有一隻討厭鬼係左緊！如果俾你排呢啲討厭嘅行為，唔知你會點排呢？你最憎邊隻討厭鬼？

1.大聲講野

香港嘅打工仔，早出晚歸，有好多人都想趁搭車嘅時間瞓下覺、靜下。但少部份人事，喺車上邊大聲講電話，又或者同朋友明明坐隔離，傾偈聲量都要大到要成車人都知佢講乜，影響乘客之餘，影響司機駕駛。

2.剪指甲

究竟點解要喺街外邊剪指甲？係咪就係正正剪指甲啲指甲彈到周圍都喺，好難執，所以喺巴士上面剪就索性唔執？

 真係唔完全唔理人感受，如果彈到落人哋度真係好嘔心，啲人唔係淨係剪手指甲架，腳甲都剪埋🤬

3. 唔用headphone 睇video 

明知自己次次出街搭車都會睇video，點解唔帶定個耳筒？點解要迫成車人同你一齊聽你睇個啲節目？

4. 唔拎起自己物品比人坐

請問你袋餸或者你個書包有無比車費？

5. 坐出面又唔起身讓人入

無人想同你有身體接觸！一陣間個袋整到你，又WEST口WEST面。

6. 唔行入車廂中間

自私。自己上左車就唔理人感受，遲上車嘅人都想快啲返屋企，企入少少，幫幫手啦！

7. 煲完煙上車

有好多煙民係等巴士嘅時候，都鐘意食返枝煙先，但係對於唔食煙嘅人，要係你身旁成程車吸住你身上嘅二手煙， 既唔健康又辛苦。

8. 行李霸佔輪椅位

輪椅位係留返比輪椅人士，有啲人衰到見到傷殘人士上車，自己都唔將行李移開， 實在豈有此理！

9. 飛象過河

有啲仲要除埋鞋， 唔通你真係當除咗鞋就乾淨啲？ 呢度唔係你屋企將梳化呀！

10. 花生🥜開心果

首先喺巴士上面食嘢都唔好，仲要食一啲咁容易跌到周圍都係嘅嘢，而且有啲冇公德心嘅人，真係直接將啲殼掉落地下。

說到未都係人性自私嘅一面，只係顧自己感受。

記住，巴士係公共交通工具，唔係你架私家車。

俾返少少公德心，大家坐得舒服又開心！