AME運動電競館
個個星期淨係行商場同食嘢，其實都會覺得悶。而且咁食法，真係越食越肥，係時候要搵啲運動做吓啦！純粹落街跑步，又覺得好腌悶，好難維持到落去。其實而家流行嘅電競運動，好新奇刺激，滑雪騎馬等等都非常真實，當你一路打機嘅時候，運動量一啲都唔少！ 記得睇埋文章最後嘅入場前小貼士， 到時玩得開心又放心。
位於尖沙咀K11 Art Mall的AME運動電競館佔地4000呎，共有10款運動遊戲，海陸空運動樣樣齊，
當中模擬賽道更採用香港實景，畫面逼真，玩法亦具挑戰性，絕對係放假休閒好去處！
而家同大家逐一介紹吓AME 運動電競館嘅一啲signature遊戲啦～
公路單車
公路單車機採用了紅磡海底隧道實景賽道， 令人玩嘅時候都增添幾分投入感。
攀石
攀石遊戲配合投影技術及實體智能牆，更有多種模式選擇。 有時需要避開激光，有時又要同對手對戰，非常之刺激！
獨木舟
全港首部獨木舟遊戲採用了360度的維港景色，超有親切感！
足球
足球機採用270度3面環繞LED反應墻，玩家要先踢波向左右兩旁嘅墻身，再踢向前方嘅超大幕墻攞分，想要更高的分數需要踢至2米高。 適逢最近世界盃熱潮，大家一齊感受在足球場上全速爭取入球
嘅樂趣啦！
跑步
跑步機使用全旺角實景，在人流旺盛的街頭跑步也不怕撞到途人了！途中更會遇上障礙物，玩家需要按下兩旁的按鈕避過。
籃球
籃球機配合自家研發的兩面反應牆及自動發球機進行傳接球， 要射波，又要準備接波，稍有不慎真係分分鐘食波餅呀！ 考大家反應啦～
滑雪
想到外地滑雪的朋友必定要試滑雪機。征服高難度斜坡滑雪，而家喺香港都做得到啦～
賽馬
香港人賭馬就多啦，真正騎馬嘅體驗，你又試過未？
遊戲加入了馬匹育成系統的新元素，開始前需在網站上抽自己的專屬馬匹，再戴上VR裝置，模擬沙田馬場的實景賽道中參加2,200米競速賽事，親身體驗騎師策騎名驅
、全速衝刺的臨場感。
拳擊
拳擊共有3個關卡，第一關要打出250下單拳，第二關要擊中不停移動的目標，第三關的目標會有各自的數目字，玩家須依據順序擊出目標。 大家仲記唔記得《激戰》入邊嘅賤輝呢， 使唔使帶定headphone入去聽住歌去打呢！？ hello darkness, my old friend….
戰繩
平時戰繩訓練做得多，一邊打怪獸一邊玩戰繩又試過味？全港首部智能戰繩機使用互動感應地墊，玩家可挑選闖關模式、打怪物模式或訓練模式， 令大家對戰繩嘅感覺完全改觀。
AME運動電競館
地址：九龍尖沙咀河內道18號K11購物藝術館2樓223號鋪（港鐵尖沙咀站D出口或尖東站N出口）
開放時間：星期一至五11:00am – 10:00pm，星期六、日及公眾假期10:00am – 10:00pm
電話：6824 5526
最新優惠計劃價錢： 任玩場內10項運動電競各1次（原價 $480） 優惠價 $380、學生價 $300
代幣價錢：$200＝10代幣、$500＝50代幣、$1000＝200代幣
*價錢以官方網站作準
仲有得包場添～大家可以包場任玩進行私人派對 丶學校活動丶又或者公司Team Building等等
AME Stadium 入場前小貼士：
1）11歲或以下兒童須由15歲或以上人士陪同
2）場內設備不適用於身高低於130cm以下兒童使用
3）服裝 : 建議穿著簡便嘅運動服同波鞋，玩嘅時候可以方便啲又落力啲。玩滑雪就需要穿著現場提供嘅滑雪鞋，最好著比較高身嘅襪子
4）眼鏡 : 玩騎馬同划艇都要戴VR眼鏡，平時戴眼鏡嘅朋友仔要注意吓喇
5）妝容 : 女仔要避免化厚妝同痴太長嘅假眼睫毛，怕VR眼鏡會整花個妝
6） 飲食 : 嚟玩之前唔好空肚呀，至於食物嘅建議可以睇返上幾個post
鈴…鈐…鈐…
【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿，請寄 aeronautmediacompany@gmail.com，另請附上照片一張及不多於80字撰稿人簡介，撰稿人可用真名或筆名。文章一經採用，或會將由Travel旅遊日記編輯部作潤飾，及會開設作者個人專欄。
