主頁 > 最新旅遊情報 > 專門情報 > 【香港情報】 香港4大素食餐廳推薦

【香港情報】 香港4大素食餐廳推薦

就嚟聖誕節啦,如果你嘅另一半係素食者,咁喺搵餐廳方便可能就唔係咁容易啦。因為大部份餐廳嘅聖誕大餐唔係食牛扒,就應該係食烤雞, 就算有素食嘅選擇都可能只有冷冰冰嘅沙律。 所以以下為大家推薦幾間喺香港嘅素食餐廳, 無論食物同埋環境方便都相當唔錯,你嘅另一半應該會滿意。

1.VEDA

第一間係在於中環奧華酒店(Ovolo Central)內的VEDA,是香港首家由國際酒店集團設立的全素餐廳,提供多種純素及無麩質的素菜。 食過嘅朋友都話呢間餐廳唔單止令素食者滿意,連肉食者都滿意。

VEDA 嘅食物價格算中等,但係份量唔係太多,可能要嗌多幾樣嘢食先夠飽啦。 不過嚟呢度呢唔係單單食嘢㗎,呢度嘅Cocktail都好特別,所以最適合就係一路飲住嘢,傾偈加食飯。 而且呢度嘅營業時間係早上7:00至晚上10:00,如果你話唔想飲Cocktail,嚟呢度食個早餐亦都可以。

VEDA 係由澳大利亞著名廚師 Hetty McKinnon 主理, Hetty McKinnon首次進軍香港餐飲界,佢喺 Arthur Street Kitchen 的名聲中, 以創造素食而聞名。 而佢喺餐牌上亦都非常細心,好清晰列明唔同嘅需要。要知道素食當中都有好多唔同嘅喜好,如奶蛋素、海鮮素、全素⋯⋯就算唔係素食,若然你有食物敏感嘅話,嚟到呢度都會搵到你啱食嘅嘢。

餐廳優雅而現代,色調柔和,配以全金色餐具和簡單的家具, 一改大家平時對素食餐廳嘅感覺。

地址:香港島中環亞畢諾道2號 Ovolo Central奧華酒店

電話 :3755 3067

營業時間:星期一至日 07:00 – 22:00

2.MISS LEE 李好純

如果你的女伴是素食者的話,位於中環威靈頓街的李好純是不錯的選擇!皆因MISS LEE 李好純的素食特點是傳統中菜與新派西菜結合,以為係食緊肉,原來係廚師精心嘅廚藝 將素食玩得出神入化!而且餐廳裝修相當摩登,擁有引人注目糖果色裝潢,係平日不少少女鐘意打卡嘅IG熱點!

 

餐廳提供既有營養又有滿足感的現代中式素食, 用天然嘅食材結合亞洲和西方烹飪技術,打造精緻健康嘅植物性用餐體驗。 MISS LEE 李好純仲設有溫馨嘅街邊熟食櫃檯,全天供應外賣食品。

雖然 MISS LEE 專注於現代中國素食菜餚, 但同大家以往食開嘅中式齋舖一啲都唔一樣。 餐廳嘅理念認為用餐也是一種體驗,所以特別營造左別緻舒適嘅氛圍,並打造適合純素食者、素食者和彈性素食者的包容性菜單。

順帶一提MISS LEE嘅Tea set 甜點幾精緻,味道又清新, 唔會太甜, 而且好有香港特色,同長輩嚟食都好適合。

地址:中環198 威靈頓街地下(上環站E出口行過分鐘)

電話: 2881 1811

營業時間:

星期一至日

午餐       12pm – 3pm
下午茶   3pm – 5:30pm
晚餐       6pm -10pm

網上訂枱:Book Now

3.素苗

嚟緊介紹呢間嘅素食餐廳位於錦田,位置偏遠, 可以話係隱世私房菜。

餐廳雖然冇平時名牌餐廳或者酒店嘅餐廳裝修咁高貴,但係其實佢係別墅一格,包含咗種植、美食與藝術於一身。所以好多人都想嚟呢度打卡,食好嘢,但係素苗都唔係咁容易book到位㗎,預約卻排到一個月後, 如果大家想試就盡快book位啦。

平時食日本菜大家聽OMAKASE (廚師發板)就聽得多啦,有冇諗過素食餐廳都一樣可以?成日聽人講話不時不食,素苗就係堅持用本地最新鮮嘅食材作為料理, 老闆除左會採用自家種嘅蔬菜,仲會有其他本地農夫種嘅農作物。由於食材非常新鮮,可能會打破咗你平時一定話要食荷蘭嘅蕃茄、日本嘅哈密瓜等等嘅概念。因為蔬菜始終係新鮮嘅好食!

喺素描食飯嘅感覺好得意,好似入咗一個植物花園,仲有一個大帳幕。初踏入素苗,老闆就會歡迎大家嚟到佢屋企食飯, 因為呢間餐廳都係老闆一家嘅居所。

 

餐廳只在星期五、六、日晚上營業。

由於素苗主要係提供素食Omakase,所以唔會有menu,但每道菜都會比到大家驚喜,同埋呢度好有清邁嘅感覺,大家Book位嘅時候記得盡可能book榻榻米位置,包你會有旅行嘅感覺!而餐廳除咗可以帶狗狗之外,其他寵物都無任歡迎!

地址元朗錦田大江埔53號地下 (詳細路線圖喺確定訂咗之後,老闆會send俾你)

營業時間:星期五至日 18:3021:30

訂座電話:2893 3037

4.CHAAT

「CHAAT」係榮獲米芝蓮指南香港澳門2022一星嘅餐廳, 餐廳嘅名稱CHAAT係印度文「舔」的意思,餐廳致力為食客展現來自印度不同地區的特色美食,讓食客不期然將碟上最後一啲嘅食物都食埋落肚。 

CHAAT嘅總廚Manav Tuli重新演繹左佢兒時最愛的印度傳統街頭小食。以下係其中一款:

餡料脆餅 Raj kachori

Raj kachori 被認為是所有脆餅之王。原因好簡單,「raj」代表皇室,而「kachori」指嘅係炸香左嘅空心圓形脆餅,既可以直接食用,也可以加入餡料享用。

「有段時期我要定期搭巴士從拉賈斯坦(Rajasthan)到德里,每次巴士總會停在有 raj kachori 賣的公路上。」佢回憶。Raj kachori 脆餅本身嘅厚度會因應不同攤販而有所不同,但呢款小吃總係塞滿美味餡料,例如馬鈴薯、番茄、羅望子、薄荷同乳酪。

「我的版本靈感來自德里。很多時攤販都會把酸辣醬淋在脆餅上,但在餐廳的運作模式下,這樣做會令脆餅失去香脆感,因此我們選擇把酸辣醬放在碟上。當你享用時,應該要一口吃完,也就是說你在舀脆餅時,也要一併舀起酸辣醬。我也刻意用上很快變乾的濃縮芒果酸辣醬,以確保香脆感不受影響。」

對於印度人黎講呢種小食就相當普遍,但係可能好多香港人都未試過,有機會不妨去CHAAT試吓~

地址:香港九龍尖沙咀梳士巴利道 18 號 Victoria Dockside 香港瑰麗酒店

營業時間:

週一:全日休息
週二至週日:午餐及晚餐時段

  • 午餐:中午12時至下午2時30分
  • 晚餐:下午5時30分至晚上10時30分

*可供預約期為2個月,每月的1號上午10時起開始接受網上預約,如欲咨詢5位客人或以上請聯絡餐廳預訂部門瞭解更多。

電話:3897 8732


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 aeronautmediacompany@gmail.com,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記