【教學情報】 旅行知多啲 一篇搞清日本的士顏色、特別收費及其他服務
日本的士出名服務好、坐得舒服，亦出名收費貴，「一分錢一分貨」，你黎過日本咁多次，又有無享受過高質日本的士？(來源：ikidane-nippon) 的士顏色主要分別「個人」vs 「法人」 日本的士業界由「個人的士」以及「法人的士」組成，分別係獨立營運既的士以及公司規模營業既的士。香港的士以顏色區分營運範圍以及收費，日本的士同樣有不同顏色，但顏色、車型的分別多數係由個人/法人，以及唔同的士公司導致；綠色車身收費較廉宜，黑色車身（私人）的司機擁有衛星導航還有手提電話翻譯人員，可中文或英文對話，車卡較為寬敞及豪華，但收費極高。 不同地區收費有別 首先要留意既係，日本的士既收費同樣按照不同地區有差別，東京的士同大阪的士響收費上就有分別。以下為大家整理各個常去地區既的士收費資料： （時間距離混合式收費為高速道路以外，時速10km以下行駛時的收費方式。該路途會既按距離收費，同時按所費時間收費；使用高速道路時不論速度只按距離收費） 日本的士其他費用 除左上述費用外，大家記得留意日本的士普遍會收取「深夜附加費」，以日本某大型的士公司為例，22:00至翌日5:00時會加收2成費用，計算方法是將上述既距離除以1.2，即係跳錶幅度相同但頻率提高。深夜期間的士咪錶牌會由平時顯示既「空車」換成「割增」，坐上「割增」的士的話就要額外俾呢筆深夜附加費；而現時有部份的士實行「不收深夜附加費」，車門窗上貼有「割増なし」既的士就係不收附加費。另一方面行李以及動物（寵物）並無另外收費，不過亦要留意，小編響日本咁耐從未見過行李多到車尾箱放唔落既的士駛過，大家要量力而為呀。
立即閱讀
