【實用情報】 氹小朋友食飯好難? 飯團之神幫到你
氹小朋友食飯,好多媽媽都話好難,而家教你一招搞掂! 要氹小朋友食飯,真係幾難㗎, 叫佢食零食、飲汽水、食糖,就永無托手踭,但要坐低食正餐,就下下都好勞氣。 好不容易準備好一餐,但小朋友總係要三催四請先願意食飯,又或者係食飯時特別唔聽話,不然就係食飯時間至少要花一兩個鐘! 向飯團之神偷師, 讓孩子乖乖吃飯 始終係亞洲人,總覺得要有飯落肚先至夠營養, 有返啲飯氣呀嘛~ 飯糰不只是捏起來嘅一嚿飯,其實有好多心思喺裏頭。 日本有位「飯糰神手」IG@ onigirigekijo 佢整嘅飯團,每一件都係藝術品,造型得意,像真度高,我相信如果小朋友見到,一定好開心,唔會再要媽咪左氹右氹先肯埋枱食飯。 (圖片獲 onigirigekijo 受權使用) (圖片獲 onigirigekijo 受權使用) (圖片獲 onigirigekijo 受權使用) (圖片獲 onigirigekijo 受權使用) (圖片獲 onigirigekijo 受權使用) 雖然忙碌嘅媽媽見到飯團嗰啲造型,睇就得意, 但係都未必相信自己會整到, 而呢一位飯團? 神手相當好, 拍埋YouTube 教學片,大方分享製作過程。 好似呢段柴犬製作影片,睇完又發覺原來唔係想像中咁困難, 只要有心機,你同我都有機會做得到。 柴犬飯團製作教學 不過如果你都覺得好難嘅話,再唔係整呢個忍者飯團先啦~? 難度一粒星* (圖片獲 onigirigekijo 受權使用) 飯糰簡單、容易食,小息、放學、上興趣班或喺公園玩,一覺得餓,就即刻食到。簡直係完美的兒童小食,而且想食幾多,媽媽都可以放心給佢地食。 (圖片獲 onigirigekijo 受權使用) (圖片獲 onigirigekijo 受權使用) (圖片獲 onigirigekijo 受權使用) 啲飯團係咪好得意呢,相信就算只係整到一半水準,小朋友之後都唔會再話一定要去元x , 壽司x食壽司,而係好期待媽媽整嘅飯團。 又或者今個聖誕假,可以同小朋友一齊整飯團,都會係一個好好嘅親子活動~
立即閱讀