【香港情報】 香港電子煙全禁懶人包｜4.30起隨身攜帶已違法 最高罰$50,000兼坐監
被譽為近年香港最嚴嘅禁煙令，終於喺2026年4月30日正式生效！今次唔係講笑，唔單止唔可以喺公眾地方吸食電子煙、加熱煙，就連就咁擺喺衫袋、手袋、背包帶出街，都已經犯法。以下係你必須知道的7大重點： 1. 咩係「另類煙用物質」？帶煙機會唔會犯法？ 禁令針對嘅係電子煙煙彈、煙油、加熱煙支、草本煙。如果你只係帶煙機（主機）而無帶任何煙彈或煙支，現階段唔算違法。政府表示會視乎修例成效，再決定未來是否禁止煙機。 僅管有煙機並不犯法 2. 違法罰幾多？ 管有少量（非商業用途）：定額罰款 $3,000 或者一經簡易程序定罪，可罰 $10,000 3. 咩情況下唔只罰 $3,000？ 如果管有數量超過以下任何一項，就屬於「增責因素」，會以檢控方式處理，唔會只係罰款咁簡單： 產品類別 超額上限 煙彈 >5 個 煙油 >5 毫升 加熱煙支 >100 支 草本煙 >100 卷 👉 一經定罪，最高可罰 $50,000 及 監禁 6 個月 任何人不得在公眾地方管有電子煙煙彈 4. 有冇過渡期或寬限期？ 冇。 政府表明，新法例不設過渡期或寬限期。4月30日起，控煙辦巡查見到有人攜帶或吸食另類煙，就會直接檢控。政府強調，四年前已全面禁止入口、製造、售賣，理論上社會上已無合法途徑獲得另類煙產品。 5. 「公眾地方」即係邊度？ 根據《吸煙（公眾衞生）條例》第371章，「公眾地方」包括： 公眾有權進入或獲准進入的地方（不論是否付費） 任何處所的共用部分（例如大廈走廊、梯間） 👉 私人住宅單位通常唔算公眾地方，但寫字樓、商場、餐廳、公園、街邊等就屬於公眾地方。 6. 旅客帶入境會唔會有事？ 會。 控煙辦執法一視同仁，唔會因為係旅客就免責。政府已經喺口岸同飛機上加強宣傳。另外，由2025年第4季起，罰款告票已轉用電子告票（附二維碼），可用轉數快、支付寶、雲閃付等繳交。 7. 警方會唔會執法？ 警務處處長周一鳴表示，主要執法單位係控煙辦，警方唔會主動執法。但如果警方喺公眾地方見到有人攜帶或吸食另類煙，會： 檢取證物 記錄涉案人士資料 將個案轉介控煙辦 有需要時亦會採取拘捕行動 公司廁所吸食是否「安全」？ 呢個係灰色地帶。衞生署承認執法上有困難，因為： 控煙辦人員無搜查令權力 主要靠目測「眼見為實」作為檢控證據 即使廁所傳出煙味，亦無足夠證據檢控 現階段主要靠加強巡查及教育方式處理，但唔建議以身試法。 總結小貼士 ✅ 只帶煙機 = 暫時合法 ❌
立即閱讀
