主頁 > 最新旅遊情報 > 專門情報 > 其他情報 > 【排名情報】 2021最受歡迎10大廣告KOL

【排名情報】 2021最受歡迎10大廣告KOL

年尾將至,不少網上平台都發布年度人氣榜,近日再有平台發表10大最受廣告客戶歡迎之KOL,其中一直橫掃人氣榜的男團MIRROR,繼續贏到開巷,吸金力十分強勁!

見MIRROR嘅4位成員姜濤、Edan(呂爵安)、Anson Kong(江𤒹生)及Anson Lo(盧瀚霆)均榜上有名,其中Anson Lo更係繼續力壓姜濤,成為冠軍!

值得一提嘅係,向來係人氣王嘅姜濤唔單止輸畀Anson Lo,仲要屈居第三,究竟係咩人贏得過姜濤?

原來係知名旅遊達人小斯,憑分享旅遊資訊大受廣大網民喜愛嘅佢於網紅界屹立多年,佢係香港大學會計及金融系畢業的「90後」小斯,因為開blog教網友如何儲飛行里數而成網絡紅人,毅然放棄穩定又賺錢的會計師工作,全職做blogger,因相信做人應「把握機會搏一搏」,Facebook專頁有逾5萬名粉絲的小斯。

目前擁有逾30張信用卡的小斯,自大學開始,透過信用卡儲里數來換機票,並仔細研究每張卡的條款。為了儲里數,小斯沒有「特登駛多啲錢」,反而日常生活幾乎全以信用卡「找數」,在過去5年他賺取的里數,足以讓他遊遍20個國家。

小斯畢業後,曾在四大會計師樓工作一年便辭職,現轉行當全職blogger。他直言往日他的會計師工作薪金為$16000。他更曾與陳俞希拍攝ViuTV旅遊節目,以往佢喺同類榜單都幾乎坐穩三甲,難怪可以跑贏姜濤。

另外,榜單上亦有唔少由藝人轉型嘅網紅,包括靚媽陳倩揚、宅男女神孫慧雪、「得閒修女」劉小慧等,而深得媽媽界歡心嘅陳琪更只輸畀姜濤,排行第4!

今年繼續上榜嘅孫慧雪於社交網轉發榜單,並留言:「雖然唔知點計,但Top 10可以榜上有名,都係一種鼓勵!今年都要繼續努力,分享多啲扮靚同保養心得畀大家。」


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 aeronautmediacompany@gmail.com,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記