【實用情報】 鏟屎官想旅行，主子點算好？
鏟屎官最近見周圍都開關，心郁郁想去旅行，但係屋企嘅主子點算好呢？ 如果係狗仔，佢哋住寵物酒店，可以同其他狗仔一齊玩，一齊游水，好似我哋去staycation咁，返嚟未必有啲咩健康問題，心情亦都冇太大影響，可能分分鐘仲開心過喺屋企添啊！（呢啲係我講姐）其實狗仔都好掛住主人嘅， 不過佢哋性格比較開朗少少，同埋樂天啲。 但係貓就唔同啦，如果你帶佢去貓酒店，突然間換咗一個新環境，佢哋會相當緊張，可能唔食嘢，唔飲水，因為佢慣咗自己熟悉嘅地方，熟悉嘅氣味，優哉游哉。突然間困住咗係一個好似透明嘅監倉幾日， 冇得再自由自在，鍾意點就點，唔使諗佢都有抑鬱啦。 貓貓真係一種好特別嘅生物， 唔鍾意妥協，而且仲好記仇，咁樣去一去旅行， 主子龍體有頭暈身㷫嘅話，分分鐘返嚟搞幾個月。 再者，鏟屎官都知道主子通常都有自己特別喜好嘅貓砂，去住貓酒店嘅話，你又要大費周章，帶埋佢嘅貓糧同貓沙， 一堆佢玩開嘅玩具、用開嘅飯兜⋯⋯ 諗起都頭痛。 所以， 如果情況許可，都係建議最好留返主子喺宮中（屋企）。 要外出２天以上，建議搵有養貓經驗或主子熟識的親友、信任的貓保母去家中照顧，除左基本的餵食、換水、鏟貓砂之外，陪伴和互動亦非常重要！ 最理想梗係每日都有人上去啦，千祈唔好諗住話擺咗乾糧擺咗水，就自己去五日四夜，冇人理佢。 如果無親朋戚有幫手，而家都有好多上門嘅貓保母服務。 佢哋會上嚟幫你餵貓，清貓砂，同佢哋玩，仲會拍片影相send返俾產屎官，保證大家安心。平均1小時嘅服務大概二百零蚊，有啲仲可以加埋吸塵、拖地等家務助理服務。 如果你嘅主子有特別嘅照顧需要，譬如係打水、餵藥、 潔耳⋯⋯佢哋都一一能夠辦到。 及早預約貓保母上嚟俾主子過目，睇吓有冇啲咩嘅問題，而且清楚交代照顧嘅細節，咁你去旅行都去得安心啲，主子又可以舒舒服服繼續喺屋企住。 小編就試過呢間 CATSMAMMY，服務都相當好， 幾位主子都好滿意。 如果你正計劃去旅行，要即刻幫主子準備啦，因為最近鏟屎官都紛紛外出，好多貓保母嘅期都相當緊絕。 無論搵邊個上嚟都好啦，一定要清清楚楚講定相熟獸醫嘅資料，你知啦，首席鏟屎官唔見咗，可能主子因為心情低落而引起各種身體上嘅不適，如果急起上嚟，都真係要睇醫生check清楚會比較好。 有見及此，我建議各位未去過旅行嘅鏟屎官 （有主子之後）千祈唔好一去就去長旅行，最好就先試試水溫，去個亞洲之旅睇吓貓貓嘅反應如何先。 日本滑雪系列套票 2至4晚輕井澤王子 Karuizawa Prince Resorts 新加坡．聖淘沙3晚酒店連機票套票 儘量唔好比幼貓、老貓、生病（術後）貓等有特殊需求的貓咪自己在家太長時間，以免貓咪單獨時發生危險。 幼貓的自我調節體溫能力未完全發展好，特別是寒冷的冬天，幼貓有機會低溫症！ 老貓咪對環境、家長的依賴度很高，牠的體力、免疫力都已經大不如前，如果鏟屎官長時間不在家，可能會讓老貓感到焦慮、緊張，連帶影響免疫力下降、使身體機能出狀況。 病貓就唔使講啦！ 另外要提提大家，喺疫情期間，建議最好有後備嘅方案，萬一貓保母或者朋友突然間中咗COVID，要強制隔離，到時主子條命就岌岌可危，所以有後備都好重要。唉??係呢幾年，大家都要識得變通 ！ 最後， 經濟許可都建議買返部寵物攝影機，可以隨時觀察主子喺屋企嘅情況。 亦可以紓緩貓奴嘅分離焦慮症！
立即閱讀
