香港情報

【香港情報】 香港18區美食大搜查 沙田有乜好食？

沙田同大圍，睇落去好似好舊，而且主要係住宅區，無咩好行。其實美食就在「人」間。愈多人住嘅地方，就愈多好嘢食！除咗一直出名好味嘅餐廳之外，近來愈來愈多新食肆進駐呢區，仲要間間都係好食架！今次就一齊捐窿捐罅，試齊區內嘅新舊美食啦！ 坤記腸粉 新鮮滑溜加大件夾抵食的招牌腸粉 坤記嘅腸粉夠晒新鮮滑溜，加上大件夾抵食，難怪可以俘虜街坊嘅心！該店老闆話腸粉美味嘅秘訣－－其實係夠新鮮！每日由工場分批製作，慢慢運過嚟。加上引死人嘅任添醬料，由師傅根據十多年的經驗調教出來，可以話係黃比比例！真係滑到一啜已經滑入口中，加埋炒香嘅芝麻，清淡得嚟好香口。而且真係好抵食，因為HK$11有6條，對於街坊嚟講係好正嘅選擇囉，仲可以任加添醬汁，尤其麻醬！加埋層次分明的腸粉，實在令人回味。 坤記腸粉 地址：大圍積富街石屋(近積德里) 千の味刺身壽司專門店 外形貌似深夜食堂 客人可透過店中細細的格仔向老闆下單，老闆站在店內與外面bar枱的食客聊天，大概聽到不少故事！而且壽司仲有好多款式，最出名就係火龍卷！其實即是蟹籽炸蝦卷，重點絕對是入面的炸蝦，炸得好香口酥脆。另外壽司飯夠黏潤，醋醃得剛剛好，唔會太酸！再加上少許沙律醬和豐盛的蟹籽，同炸蝦簡直perfect match！ 千の味刺身壽司專門店 地址：大圍積運街海福花園商場地下31-C1地舖 鍋心粥底火鍋 平靚正海鮮粥底火鍋 呢度粥底火鍋採用嘅粥底堅持冇油、冇鹽、冇味精，食得健康之餘，仲可以突出到海鮮嘅原味，而全店淨係推出一個套餐，$198包你7款時令海鮮：蜆、鮑魚、蝦、膏蟹、魚等等，仲有5款自選配料，再加3款指定蔬菜，不設加一。唔洗200蚊就可以食咁多新鮮海鮮，真係好抵啊！ 鍋心粥底火鍋 地址：大圍積存街14號地下 金城茶餐廳 街坊最愛肉餅飯 一定要試最出名嘅生煎肉餅飯！肉餅同飯嘅份量差不多，肉餅仲好厚身，無論點睇都好足料。肉餅煎得十分香脆，食落外酥內嫩，啖啖肉再加埋豉油，用嚟送飯絕配！另一推介椒鹽豬扒飯，豬扒份量好多，椒鹽味醃得啱啱好，豬扒本身唔會太乾太硬。食完肉餅飯仲想返屋企整嚟食，可以外賣生肉餅，畀你點煮都得。 金城茶餐廳 地址：大圍積福街100號 5.Cafe 1950歐陸餐廳 性價比高之德國豬手 呢到的德國啤酒咸豬手咸豬手大大份，仲切埋方便你食。豬皮炸到脆卜卜，肉質夠爽口，有薯條同沙律做配菜，好好食，另一推介西班牙墨汁魷魚筒燴飯，魷魚好煙韌，但唔會好似擦子膠咁，加埋燴飯，口感一流！到下午茶時段仲會提供30多款小食，平貴都有，定價$21至$50左右。 Cafe 1950歐陸餐廳 地址：大圍美林商場1樓 星期二薄餅皇 隱世Pizza高手 如果唔係去開呢度，都唔會諗到嗰度有個食Pizza嘅好地方！跟新城市廣場約有5-10分鐘路程，但食物質素和價錢絕對令你覺得「行遠少少都係抵」。Pizza係自家手工搓製，屬於薄批類；入口香脆，不油膩。餡料多，但油分處理得好，吃數塊都沒有感到很膩呢。焗意粉和小食也是值得一試的。想慳時間，方便啲話，可以喺去到店舖之前30 分鐘先打電話預訂！不過，記得記得，店舖係星期二休息架！ 星期二薄餅皇 地址：沙田排頭村12號 屋子咖啡 主打日本同台式風情 鋪仔細細但設計精緻，係唔少年輕人嘅下午茶聚腳點！當中的和式櫻花梳乎厘加雪糕，一睇外形十分吸引，不過可惜食落無咩櫻花味，勝在焗得十分適中，軟綿綿得嚟又輕飄飄，而且蛋香十足。 屋子咖啡 地址：大圍積信街49號安信樓地下P號舖 Patisserie Tony Wong 堂食Tony Wong蛋糕 Tony Wong 西餅大師嘅大名好多人都知，不過啲舖頭通常都唔就腳，有時經過想買嚟試下，又要拎走，無位堂食，企都無得企。但係，原來喺沙田嘅分店有得坐喺度食！去開就要食返夠本。蛋糕超多選擇，不過小編覺得最靚嘅始終都係招牌嘅玫瑰花蛋糕——士多啤梨玫瑰花蛋糕！蛋糕手工精緻，花瓣其實是白朱古力，但弧線和形態都處理得很好，整朵「花」栩栩如生。蛋糕亦具層次，忌廉同海綿蛋糕以及餅底都配合得超好！ Patisserie Tony Wong 地址：沙田新城市廣場1期7樓704號舖 Dear Coffee & Bakery 即日手製無添加「堅」紫薯麵包 無諗過呢類咖啡店會喺大圍出現，店舖主打咖啡，提供輕食和一些自家製的手工麵包。不過，小編覺得最吸睛嘅一定係每日手製限量供應嘅麵包。由搓麵粉、做餡料、發酵，都係負責人每日喺店內即場搞掂，麵包真係好新鮮！紫薯包勁足料，中間嘅餡就係負責人親手用紫薯整成嘅蓉，沒加糖，沒加油！絕對是堅．紫薯包！除此之外，還有抹茶黑糖包、抺茶紅豆麻糬包、Oreo貝果及焦糖檸檬磅蛋糕等。 Dear Coffee & Bakery 地址：大圍積運街2-8號海福花園地下22號舖

立即閱讀

【香港情報】 去旅行兌外幣除左「百年」仲有咩揀？ 一次睇晒9間熱門找換店

每次講起旅行兌外幣，不少人會首推「百年找換店」，除左百年之外，仲有咩其他找換店可以揀？ 港島區 百年找換有限公司 於百年找換可預先致電預留貨幣，但一旦預留不可取消或更改數目，必須於致電兩小時後於即日下午6時前到店取貨幣。 沒有預留外幣，就只可於星期一至五下午3時30分前,星期六上午11時30分前交易。手續費方面，首張單免手續費，其後每張單收10港元手續費。 地址：中環 德輔道中 61-65 號 華人銀行大廈 1703 室 (萬宜大廈鈄對面;中信銀行國際樓上) 電話：2523 3403 星期一至五：9:30am-3:30pm（3:30pm-6pm 只限已預訂交易） 星期六：9:30am-11:30am（11:30-2pm 只限已預訂交易） 香港許氏兄弟找換集團 顧客可免費申請全面理財會員卡，找換、匯款均可賺取積分換禮物。港九新界設有50間分店，各分店地址、電話、營業時間可查詢官方網站。 地址：上環干諾道中158號開僑商業大廈19樓全層 電話：3150 7666 甘源外幣找換有限公司 設有網上或電話預約服務，客戶需於指定時間內交易，不可取消及更改（數目不能加減）並必須於致電3個小時後，即日下午六時前到取。 沒有預約的交易需於星期一至五下午3時前，星期六上午11時半前進行。 地址：香港銅鑼灣伊榮街9號欣榮商業大廈地下 2 號鋪 電話：2881-6370 周一至周日：上午9:30 – 下午6:30 牛記找換有限公司 客戶可於牛記網站免費登記為會員，可經電話或網上預先定價，客戶主任將會以電郵通知有關交易編號，並確實價格。已預先定價的客人不需排隊，會有獨立專櫃處理。 地址：香港上環急庇利街1號長達大廈地下 電話:25453610 星期一至五 9:00am-5:30pm 星期六 9:00am-5:00pm 九龍區 多福兌換匯款 顧客匯款可透過現金，支票和銀行轉賬付款，不設手續費及最低兌換額。 如預訂後有現貨可於門市即時取貨，但若門市沒有現貨,便須於當天下午2時前付訂金 , 便可於當天下午6時後取貨，最低訂金500港元。多福於觀塘及尖沙咀各有分店。 地址：觀塘巧明街 106 號冠力工業大廈地下 2 號舖 (觀塘店) 電話：6998 3113/ 2327 9731/ 2327 9732 星期一至五

立即閱讀

【香港情報】 香港18區美食大搜查 大澳有乜好食？

遊大澳最好的活動就是到各大街小巷找尋香港在地鄉美食，除了旅遊書會介紹的必吃熱點外，還有好幾定比較偏僻的隱世小店很值得大家花時間去找找。例如: 特大魚蛋、滷水大墨魚、隱姑茶果、天然健康羅漢果茶、正方形的蛋卷皇、即烤海鮮等, 還有炭火烤海味。邊啲係你嘅飛佛Favorite呢？ 1. 復興行 大澳特大爆趣魚蛋、滷水大墨魚 呢間小食店嘅鹵水大墨魚出名夠厚肉，咬落彈牙又唔韌。滷水汁比較淡，香料香味夠而唔過鹹，所以唔會蓋過墨魚香味。稍微可惜嘅係提供嘅醬料唔多，鐘意重口味嘅朋友唯有點多少少辣油啦。另外亦有大大粒魚蛋，彈牙得嚟又有咖喱香，雖然少咗魚肉味，仍不失為掃街小食嘅選擇之一。 地址: 大澳永安街4D舖 2. 隱姑茶果 大澳知名特色茶果 老鄉村才有的民間小吃茶果在大澳的「隱姑茶果」也能找到，甜的茶果內有糖、芝麻及花生碎。鹹的餡料就是眉豆及花生，還有那種據說有藥效的雞屎藤。雖然已經不再是阿婆在賣茶果，變成了現在的女士在賣，但這仍是值得一去的小食店。 地址: 大澳永安街11號A 4. 旭日 墨魚餅黑白配 去到離島，同海鮮有關嘅小食特別多，而今次呢間小食店最多人食嘅，就係一串串嘅墨魚餅，一串兩件，一黑一白，同樣彈牙而且有唔少墨魚粒。唔同嘅係黑色嘅加咗墨汁，有墨汁香味之餘口感較實，白色嘅墨魚餅就軟少少。小食店仲有其他秘製醬汁小食，有時間嘅可以坐低食碟秘製雞翼尖，微辣惹味。 地址: 大澳永安街47號地下 4. 車站豆腐花 滑不溜口豆腐花 豆腐花好嫩滑，周圍行完或者排隊排到有少少攰，可以嚟呢間小店稍作休息。店如其名主要賣豆腐花，而最出名嘅就係一黑一白貌似太極陰陽圖嘅豆腐花拼芝麻糊。豆腐花有微微嘅豆香，配埋濃郁嘅芝麻糊食味道就啱啱好。雖然論豆腐花嚟講，算唔上香港數一數二咁好食，但夏天嚟返碗微甜冰涼嘅豆腐花，成個人都立刻精神返。 地址： 大澳永安街57號 5. 大澳餅店  即炸無得輸鬆軟沙翁　 覺得平時食嘅沙翁好油膩或者太甜？嚟大澳呢間餅店買個新鮮即炸嘅沙翁或者會令你改觀。老闆娘用心機慢慢將麵糊炸到脹卜卜，再逐一裹上砂糖，全部手工作業所以人多嘅時候一樣要排隊。但暖笠笠嘅沙翁咬落外脆內軟，充滿蛋香而唔過甜，輕盈但唔係全部都係空氣。最抵讃嘅係一啲都唔油膩，睇個紙袋唔會變到油淋淋就知道啦。 地址： 大澳吉慶街66號 6. 張財記蝦豬餅 咸香惹味不能不吃 身在大澳街頭已經能嗅到從遠遠傳來的咸香，以蝦醬及蝦膏馳名的張財記近年發明一小食「蝦豬餅」，先將在小鍋內用蝦醬炒香的豬肉碎及菜脯，再混入生菜絲，最後用即製的餅皮捲起同吃，蝦醬的咸香惹味得很，簡直一試難忘。 地址: 大澳吉慶前街41號地下 7. 大澳蓮香酒家 街坊小店，品質實而不華 門面不顯眼，也沒有什麼裝修，就是一間街坊食店。但勝在出品實而不華之餘，價錢也實惠，不少小菜也有大澳水鄉的地道特色，值得一試的。 地址：大澳吉慶街 52 號地下 8. 360 度海景的慢活咖啡 咖啡，堅持不落糖 蘇廬是一間位於大澳的精品店，亦是一間小食店。店主 Timmy 喜歡收集來自不同地方的精品，例如 首飾、唱片、竹造棚屋模型、民間手作剪貼等。Timmy 之前在香港擔任平面設計師，現在歸隱田園，來到大澳與太太共同經營此店。 戶外坐位，可以輕吹海風，慢慢地感受一下大澳的美邊吃邊看！咖啡，堅持不落糖，讓你品嚐到原味。配上香濃的熱咖啡，聽着悠揚的的爵士樂，看着小艇的往來。 地址：香港大嶼山大澳吉慶前街 86 號 9. 美珍中西餅 手製合桃酥 地址：大嶼山大澳大澳永安街 51 號地下

立即閱讀

【香港情報】 行山遊 香港8條古道大全

舊時香港交通並不發達，村落與村落，村落與城墟之間，就要倚賴山路連接起來。這些山路，到了現在就成為了古道，部份更深受行山友歡迎。這裡列出8條較為完整的古道，可作為遠足路線。 1.元荃古道 路線：荃灣 (柴灣角) > 石龍拱 > 大欖水塘 > 大棠 (南排坑) 賣點 除了初段有點石級外，路段其實十分平緩。而且沿路佈滿樹蔭或竹林，甚為舒服 路況不俗，雖然不少路段被政府強行舖設石屎路面，但仍有不少地方保留泥路 由荃灣行入元朗，極有成功感 路線資料 長度：約15公里 時間：約6小時 難度：★★★☆ 中途補給：沒有 交通： 注意：路線距離甚長，帶備足夠食水糧食，並且評估隊員體能 起點：九巴39A或39M，於港安醫院站落。柴灣角遊樂場側起步 終點：巴士K66，紅色小巴往元朗 2.慈沙古道 路線：慈雲山 > 沙田坳 > 沙田博康邨 賣點 市區短程路線，極為方便 來往新界—九龍通道之一，「通勤跑」之選 路況甚佳 路線資料 長度：約4.5公里 時間：約3小時 難度：★★☆☆ 中途補給：沙田坳道恒益商店 交通： 注意：初段由慈雲山北巴士總站上的路段，甚多石級，極耗體力 起點：小巴37M，巴士3M (慈雲山北巴士總站) 終點：港鐵沙田圍站 3.西貢古道 路線：飛鵝山道 > 百花林 > 大藍湖 > 蠔涌 簡介：此為舊日西貢居民進出九龍的必經之路 路線資料 長度：約7公里 時間：約3小時 難度：★★☆☆ 交通：注意：部份道段為石板路，雨天要小心濕滑 起點：巴士91、91M、92 終點：巴士92，小巴 (至彩虹、將軍澳或旺角等) 4.橫七古道 路線：大美督 > 橫山腳下村 > 橫山腳上村 > 上七木橋 >

立即閱讀